საქართველოში დენგეს ერთი შემთხვევა დაფიქსირდა.
ამის შესახებ „პრაიმტაიმს“ გიორგი ფხაკაძე ესაუბრა.
როგორც ფხაკაძე ამბობს, დენგე საქართველოში ჩამოსულ უცხო ქვეყნის მოქალაქეს დაუდასტურდა და ის ახლა თბილისში, ერთ-ერთ კლინიკაშია მოთავსებული.
მისივე თქმით, ამ ეტაპზე მოსახლეობისთვის პანიკის საფუძველი არ არსებობს.
„პანიკის საფუძველი არ არსებობს, დენგე ადამიანიდან ადამიანზე არ გადადის. მხოლოდ კოღოს ნაკბენით ვრცელდება…“ – გვითხრა გიორგი ფხაკაძემ.
