სრულიად საქართველოს კათოლიკოს-პატრიარქი, ილია II 93 წლის ასაკში გარდაიცვალა. ოფიციალური განცხადება კავკასიის მედიცინის ცენტრში მეუფე შიომ გააკეთა. პატრიარქი კუჭიდან მასიური სისხლდენით, კავკასიის მედიცინის ცენტრში იმყოფებოდა. ის კრიტიკული რეანიმაციის განყოფილებაში იყო მოთავსებული. სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს ხვალ, 18 მარტს, სამების საკათედრო ტაძარში დაასვენებენ.
ცნობილი ადამიანები პატრიარქის გარდაცვალებას სოციალურ ქსელში ეხმაურებიან:
მწერალი, გიორგი კეკელიძე:
– საქართველოს კათალიკოს-პატრიარქი, ილია მეორე გარდაიცვალა.დღემდე მახსოვს მისი თბილი წერილი, რომელიც მამაჩემის გარდაცვალების გამო მივიღე.ვწუხვარ. ვუსამძიმრებ მართლმადიდებელ მრევლს და არა მხოლოდ.
პეტრე კოლხი:
26 ის ვიყავი, პატრიარქმა პირად არქივში შემიშვა და მასზე მიძღვნილ ლექსებს ვარჩევდი…. ათასობით ტექსტი იყო, საუკეთესოები შევკარი, მასთან შევათანხმე და მეუფე ეფრემის დახმარებით წიგნად გამოვაქვეყნე…. კრებულს “მოსე ქართველი” ვუწოდე….მე ის მიყვარდა…. ბევრი კარგი მახსოვს მისგან, ბევრი მოსაგონარი დამრჩა…სამების ახალგაზრდულ ცენტრში, კვირის ღონისძიებებს ხელმძღვანელობდა, მაგრამ შენ პოეტი ხარ, უკეთესად გამოგივაო და მე ჩამაბარა…. სნოში, მისი ბავშვობის სახლში პოეზიის საღამო მომიწყო, მისი კურთხევით პაოლო იაშვილს, დიდუბის პანთეონში წესი ავუგე…. გამორჩეულად მოსწონდა ჩემი ლექსები….ვწუხვარ პატრიარქო, ბოლო გზაზე ვერ გაცილებ….
ჟურნალისტი ნანუკა ჟორჟოლიანი:
– დასრულდა ერთი დიდი ისტორია ამ ქვეყნის. დაიხურა ეპოქა, რომელსაც მისი სახელი ერქვა.და მგონია, რომ აღარავინ იქნება მისი სიდიდის.
მომღერალი ნინი შერმადინი:
– ძალიან მიყვარხარ რამდენი რამის დაწერა მინდა… აუცილებლად მოვყვები ჩემს თვალწინ მომხდარ სასწაულებზე, ილოცე ჩვენთვის უწმინდესო, იქიდანაც ილოცე, იქნებ გვეშველოს, გაგვინათდეს გულიც და გონებაც და შევიყვაროთ ადამიანებმა ერთმანეთი… მომიხსენე მე ცოდვილი, ცათა სასუფეველში…
მომღერალი ნინი ბადურაშვილი
დიდი მადლობა ყველაფრისთვის…
